Veress Endre: Gyula város oklevéltára. 1313-1800. (Budapest, 1938.)

96. Buda, 1518 május 25. Miskolczi János közjegyző gyulai érdekű kiadványa. Vinogradi Máté pécsi kanonok és Mátyás gyulai plébános kérik György brandenburgi őrgróf hozzájárulását, hogy állomásaikat egymással kölcsönösen elcserélhessék. In nomine domini Amen. Anno Nativitatis eiusdem Millesimo quingentesimo decimo octavo, indictione sexta, die Martis vigesima quinta mensis Maii, hora nonarum vel quasi in castro Budensi, Wesprimiensis dioecesis, pontificatu Sanctissimi in Christo patris et domini nostri, domini Leonis divina Providentia papae decimi, anno eius sexto, in mei notarii publici et testium infrascriptorum praesentiis venientes in praesentiam Illustrissimi domini Georgi Marchionis Brandemburgensis etc honorabiles viri Magistri Matheus de Vinograd cantor et canonicus ecclesiae Quinqueecclesiensis et Mathias plebanus de Gywla, exhibuerunt et praesentarunt eidem domino Georgio Marchioni quoddam publicum instrumentum manu Magistri Olay Iohannis Bangh de Medelfardio, Ottoniensis dioecesis, Apostolica auctoritate notarii super permutatione beneficiorum suorum hincinde per eosdem initorum et factorum emanatum scriptum et confectum, supplicantes diligenter et instantissime eidem domino Georgio Marchioni, ut idem auctoritate iurispatronatus sui contenta eiusdem instrumenti rata et grata habens, huiusmodi ipsorum permutatione ratificare, approbare et confirmaro, et huic permutationi suum benivolum consensum, pariter et assensum praebere dignaretur. Qui dominus Marchio non aliter, nec alio modo ipsi permutationi consentire dixit, nisi prius infrascriptos articulos ipsi permutatores, singuli singulariter, firmiter et inviolabiliter observare promitterent, quod si successu temporum alter eorum contrarium facere quovismodo attemptaret seu in toto vel in parte contraveniret, extunc in eo casu consensus ratificatioque et approbatio praescripti instrumenti permutationis nullius esset vigoris et momenti, imo eo facto pro nullo reputaretur et haberetur. Imprimi», quod ipse dominus Mathias antequam dictam plébániám de Gywla relinquat, balneum cum domo et molendinum pertinens ad dictam plébániám restaurare et reaedificare faciet. Item, si ipse ad aedificationem scholae tenetur, et ipsam scholam aedificare faciet, casu vero, quo de ipsa plebania exiret, extunc sufficientes pecunias ad manus communes pro reparatione praemissorum balnei, molendini ac scholae modis omnibus dare et mittere debeat et teneatur. Item, quod a modo imposterum ipse dominus Mathias cum familiari, servitore et iobagionibus ipsius domini Marchionis in castro et oppido suo Gywla et pertinentiis eiusdem commorantibus ratione quorumcunque negotiorum in aliquo foro seu curia spirituali vel alterius iudicis secularis praesentia non litigabit, sed si quid actionis contra eosdem iobagiones habuit, coram iudice et iuratis dicti oppidi ; si autem cum castellanis litem movere praetenderit, coram praefato domino Georgio Marchione litem aget, ac iudicio et sententiae ipsius domini Georgii, quam in cunctis causis suis tulerit, per omnia parebit et obediet. Item, quod si qui ex iobagionibus ipsius domini Marchionis ipsi domino Mathiae sunt debitores, paratus est idem dominus Marchio dare literas ad iudicem et iuratos dicti oppidi de Gywla, ut huiusmodi debita sibi persolvantur. Si qui autem ex iobagionibus ipsis essent adeo pauperes, quod ex nunc eidem de huiusmodi debitis satisfacere non possent, idem dominus Mathias tales