Veress Endre: Gyula város oklevéltára. 1313-1800. (Budapest, 1938.)

435. Wien, 1560 november 1. Ferdinánd király Kerechéni László főkapitánynak. .4 Gyula vár őrzését és gondozását biztosító jeltételek, melyek mellett kányaföldi Kerechéni László annak főkapitányi s egyúttal Békésmegye főispáni tisztjét elvállalta. Ferdinandus etc. Instructio Magnifico fideli nobis dilecto Ladislao Kerecheny de Kányafölde supremo capitaneo nostro arcis et oppidi nostri Gyula partiumque inferiorum regni nostri Hungáriáé data super rebus per eum ibi summa diligentia et fidelitate procurandis et expediendis. Primo. Cum idem Kerecheny ab aliquot annis militiam insequutus singularem rerum bellicarum experientiam adeptus sit et subinde in actionibus suis non solum militaris scientiae experientiam et cognitionem, verum etiam animi sui gravitatem et constantiam testatus sit, nosque ob id non dubitaverimus eidem praefatae arcis et oppidi Gyula partiumque inferiorum nominati regni nostri Hungarici curae, nec non rerum bellicarum et proventuum administrationem committere, confidentes nimirum eum regnis atque provinciis nostris, et denique universae Reipublicae Christianae utiliter inserviturum, et nostrae de ipso conceptae exspectationi omnimode responsurum: Idcirco in hac nostra arce et oppido in iisdemque regni partibus cuncta tam maturo consilio, quam opere et re ipsa facere, dirigere et praestare debebit, quae a fidele et sollicito supremo capitaneo et provisore requiri possunt. Quod autem ad haec officia rite exequenda eo magis sit instructus, subordinavimus sibi sustentabimusque ordinarie pro castri et oppidi huius defensione eum militum numerum, quem ibidem aluimus tempore antecessorum suorum, Egregiorum scilicet fidelium nobis dilectorum Casparis Magochy et Benedicti Bornemiszae, quippe equites quingentos et decem, pedites vero trecentos et quinquaginta, ita, quod sub huius supremi capitanei ordine centum et quinquaginta equites, nec non sub eius castellano quinquaginta equites existant, reliqui vero equites et pedites subsint suis centurionibus et waywodis, qui tunc, quando supremus noster capitaneus instituetur, in servitiis nostris retinebuntur, his omnibus, utputa equitibus singulis quatuor florenos Rhenenses, peditibus vero florenos duos Hungaricos. Equitum praeterea ductoribus seu capitaneis pecuniam niensalem, ad singulum scilicet equitem denarios quinquaginta, vicecastellanis vero, waywodis, vexilliferis, decemviris, tubicinatoribus et his similibus personis primariis eadem additionalia stipendia, quae eis a tempore Casparis Magochy in hunc usque diem elargita fuerunt, in singulos menses numeraturi. Ipsimet vero supremo capitaneo et provisori nostro in singulos menses primo centum florenos Hungaricos, deinde ad centum et quinquaginta equites additionale stipendium, nimirum pro quolibet equite quinquaginta denarios deputavimus eique insuper ex arcis et oppidi proventibus victum quotidianum, nec non mulctas unius floreni concessimus, ita ut is de reliquis mulctis, nec non bonis subditorum nostrorum, qui vei sine haeredibus decedent, vei propter excessus in capite et bonis sententionati fuerint, aeque ac de reliquis proventibus nostris rationes reddat. Caeterum eius vicegerenti, quisquis is fuerit, dummodo ad hoc officium idoneus et sufficiens sit, salarium triginta duorum florenorum Hungaricalium omni mense constituimus.