Veress Endre: Gyula város oklevéltára. 1313-1800. (Budapest, 1938.)
390. Wien, 1559 január 8. Miksa király a gyulai biztosoknak. Utasítás, miként iktassák tisztjébe Bornemisza Benedek gyulai kapitányt. Maximilianus dei gratia Rex Bohemiae, Archidux Austriae etc. Instructio, secundum quam Egregius fidelis nobis dilectus Petrus Feygel provisor arcis Sáros caeterique militares viri et commissarii nostri, quos Reverendus Devotus Egregiusque fideles nobis dilecti Verantius Episcopus Agriensis et Emericus Telekesy supremus in Scepusio capitaneus sibi adiuncturi sunt, Egregium fidelem nobis dilectum Benedictum Bornemissa in praefecturam arcis et oppidi Gywla iutroducere et praesentare debebunt. Primo omnium sese cum iam nominato Benedicto Bornemissa Gywlam conferant illiusque arcis et oppidi capitaneis, centurionibus, waiuodis et reliquis militibus universis literas nostras credentiales exhibeant et praesentent, et eis demum nostro nomine referant, quod Sacrae Romanorum Imperatoriae Maiestatis, Domini ac genitoris nostri charissimi loco et nomine clementer inspexerimus et consideraverimus urgentes causas, propter quas Egregius fidelis nobis dilectus Casparus Mágochy nobis subinde supplicavit, ut ipsum illo castellanatu et provisoratu exoneraremus, exauditis igitur tot suis precibus ipsum officiis iam dictis exoneraverimus et in eius locum Egregium fidelem nobis dilectum Benedictum Bornemissa substituerimus et praeordinaverimus : eius scilicet industria, constantia et virtutibus consideratis, quas in eo esse agnovimus. Proinde eiusdem Caesareae M ti s nomine mandare nos omnibus ipsis, ut eundem Bornemissa deinceps pro suo vero et supremo capitaneo recognoscant ac reputent eique in omnibus licitis rebus parceant, obediant et obsecundent. Hinc ad iudicem et oppidanos illius loci pergant et his similiter literas nostras credentiales praesentent, et deinde idipsum iniungant, quod de praestanda praedicto Bornemissa obedientia praesidiariis militibus iniunxerunt, suggerendo ipsis, quod idem Bornemissa eos in civilibus eorum privilegiis conservaturus et nullis oneribus aggravaturus esset, praeter hiis, quae ratione temporis propriae eorum permansionis causa merito subire deberent, et procul dubium haud gravatim subituri essent, Eo ita facto a praefato Casparo Mágochy claves arcis et oppidi recipiant et eas Benedicto Bornemissa tradant atque assignent, eum etiam pro supremo Caesareae Maiestatis capitaneo et provisore illius arcis et oppidi publicent et pronuntient. Quodsi vero ex praesidiariis aliqui, praesertim illi, qui caeteris sunt praestantiores et exercitatiores illinc discedere vellent, eos optimis quibusque opinionibus ab hoc eorum instituto avertere et veteranos quosque milites in servitiis retinere nitantur, ipsis qui mansuris essent Caesareae M ti s benignitatem offerendo ; illis vero, qui discederent enarrando, quam obscuraturi essent intempestivo discessu praeterita eorum servitia. Caeterum transeant ad ea quaeque loca, ubi bombardae et aliae res bellicae reservantur, primoque bombardarum quantitatem et numerum sedulo inspiciant, et quot earum tum antea isthic fuere, tum quot et cuius sortis bombardas Egregius fidelis nobis dilectus Franciscus Pesthy immissurus sit (sunt enim ipsi certae bombardae et aliae res bellicae iamdudum assignatae, ut eas Gywlam mittere deberet) consignent, idipsum etiam in barbatis et manualibus pixidibus, pulveribus, globis, ferro, pulvere, plumbo, pice ignitis, securibus, hastis et his
