Veress Endre: Gyula város oklevéltára. 1313-1800. (Budapest, 1938.)

elevato suo vexillo proprio et totali sua potentia instaurata et adversus annotatum priorem suae fidelitatis audacia suffultus properando, eundem priorem de regno nostro Sclavoniae ad regnum Boznae, simulcum suis sequacibus et fautoribus expulit et affugavit, quosdam ad eum pertinentes et contra nostram Maiestatem rebellizantes terribiliter opprimendo, et quosdam ad viam veritatis convertendo, ipsoque prioré Auranae sic expulso et affugato, volens pro nostri honoris exaltatione magis in suis fidelissimis actibus insudare, quoddam castrum annotati prioris, Tornow vocatum, de quo multa mala incendia, dampna et depraedationes nostris fidelibus irrogabantur, cum ipsa sua potentia obsedit et circumvallavit, ubi in expugnatione dicti castri, per nostros infideles in eodem exeuntes ictu teli letaliter fűit in capite vulneratus, ita quod fere quatuor annis elapsis vei citra ferrum ipsius teli de capite eiusdem exivisset, demum verő et inmediate, praefati praelati, magnates et proceres regni nostri, uti praemisimus, malo freti consilio simul conspirantes nos dyademate nostro regio et corona, quibus regna nostra praedicta fere ab annis sedecim tenueramus, privari et de eisdem excludere satagentes, praefato Ladizlao filio condam Karuli, ut eorum vota valerent adimplere ad civitatem nostram Iadryensem conductum praebuerint, eundem quodam serto fictitio coronantes ac praedicta duo regna nostra, videlicet Dalmatiam et Croatiam manibus eiusdem Ladizlai filii Karuli cum castris, districtibus et tenutis assignantes propterque per eosdem in ipsis regnis nostris nobis et fidelibus nostris spolia, incendia et interemptiones plurimorum regnicolarum nostrorum et alia quamplurima irrecuperabilia dampna sunt perpetrata. Sed suffragante nobis divini auxilii remedio, qui suos solo nutu salvare sólet et conservare, interveniente etiam nobis et assistente valida potentia ipsius Iohannis Bani, qui ut praemisimus, necem propriam ac fratrum et familiarium suorum non formidans, nec curans pericula rerum et possessionum suarum, ipsis nostris infidelibus, sub banderio ipsius Ladizlai filii Karuli procedentibus diversis eorum proeliis devictis viriliter obviavit ita, quod si praemissa fidelia servitia et virtuosa industria ac valida potentia ipsius Iohannis Bani nobis non affuisset, dubium fuisset nobis pristina gubernacula regni nostri readipisci, ad quaequidem gubernacula, rege altissimo annuente, per fidelia servitia et virtuosa opera ipsius Iohannis Bani, ipsis nostris infidelibus invitis rursum fuimus sublimati et nunc in regimine et solio ipsius regni nostri feliciter gloriamur. Et sic idem Iohannes Banus per huiusmodi multimodorum obsequiorum exhibitionem gratissimas nobis exhibuit complacentias, praemissorum itaque intuitu servitiorum, et ut idem Iohannes Banus nostris obsequiis ferventius queat insudare, dignum arbitratur Celsitudo nostra, eundem veluti benemeritum benignis favoribus et gratuitis donis prosequutum, licet a nobis multo maioribus praemiis attoli mereretur, matúra deliberatione praehabita, de certa nostrae Maiestatis scientia fideliumque praelatorum et baronum nostrorum inito consilio, quasdam possessiones nostras Gywla, Bagd, Crakow, Wyfalu, Zenthmoroch, alia Zenthmoroch et tertia Zenthmoroch, Isaak, Twrgon, Zerheth, Doboz et alia Doboz, Scanna, Kakwcli, Zenthbenedwk, Gywrke, Gywr, Beren, Bekes, Dether, Wary, Kamaras, Pyl, Symand, Atyaz, Kawas, Faydas, Kubly, Somus, Moroch, Hegenhaza, Deche, Bakadeghaz, Bercheneghaz, Keresthwr, Wereseghaz, Kondoroseghaz, Pvthwaruseghaz, Kerekeghaz, Buzyrhegeseghaz, alia Kerekeghaz, Wagyuseghaz, Fazokaseghaz et Zenaseghaz vocatas, in comitatibus de Bekes et de Zarand habitas, cum omnibus earum utilitatibus et pertinentiis quibuslibet, videlicet ecclesiarum patronatuum iuribus, libertatibus, nundinis, tributis, terris arabilibus, foenetis et campestribus, molendinis, aquis aquarumque decursibus, paludibus et piscina Byngusd vocata, ceterisque piscinis, stagnis,