Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 6. (Budae, 1838.)

praedicti Dominici fuisset, fiiius Nicolai, filii dicti Abba, et sic quia praefati David et Nicolaus atlavi praedictorum Thomae et Dominici tamquam fratres uterini a praedicto Abba veluti primo stipite ac capite protavo originem duxissent naturalem; Pro eo ipsae portiones possessionariae in dictis possessionibus sibi ratione ipsius divisionalis lineae generationis deberent pertinere, et in hoc ad veridicam attestationem hominum generationis praescripti Abba promptus esset submittere et paratus. Ilis itaque auditis praefati Laurentius de Vitez ac Petrus, filius quondam Nicoiai Vaivodae, Demetrius etSimon deBertold in suis etpraedictorum aliorum in causam attractorum personis respondissent ex adverso. Quod idem Magister Petrus dictus Chirke frater et proximus divisionalis dicti Dominici, filii Lach, non fuisset nec esset, et ex eo dictae possessionarie possessiones in predictis possessionibus Chrapko et Szent-Kereszt, in nullo ipsi Magistro Petro ratione ipsius divisionalis, generationalis lineae pertinerent, et hoc similiter per homines ipsius generationis Abba possent et velient conprobare. Quibus perceptis idem Dominus Palatinus una cum Praelatis, Baronibus, regnique Nobilibus, in adiudicatione ipsius causae secum adhaerentibus ipsis partibus volentibus et benigne acceptantibus commisissent, iudicando quod praedictae utraeque partes tam videlicet ipse Magister Petrus dictus Chirke, quam praefati in causam attracti, pro suis partibus homines ipsius generationis Abba, in octavis festi B. Georgii Martyris tunc venturi, praevia ratione in praesentiam Capituli Ecclesiae Agriensis adducere, quibus adductis primo quidem Magister Petrus dictus Chirke coram ipso Capitulo Agriensi per homines dictae