Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 6. (Budae, 1838.)

generationis Abbae, ortum una cum praedicto filio Dominico Lach ab uno avo atque stipite modo praehabito naturali propagine habuissent , et in una divisionali generationis linea exstitissent et sic tandem portiones possessionariae de praescriptis possessionibus Szent-Kereszt et Chrabko sibi deberent provenire, et tandem praelibati in causam attracti simili modo per homines eiusdein generationis Abba, ut praefatus Magister Petrus dictus Chirke memorato Dominico, filio Lach, in nullo divisionalis generationis linea attinuerit et sic ipse portiones possessionariae de iam dictis possessionibus ratione dictae divisionalis lineae generationis, eidem Magistro Petro non deberent attinere, prout melius, decentius et honestius possent facere attestari. Prius tamen iidem homines ipsius generationis Abba per ipsas partes pro sua parte inibi adducti, per ipsum Capitulum Eccl. Agi iensis super praemissis, ad fidem eorum Deo debitam, fidelitatemque Domino nostro regi et suae sacrae coronae regiae observandam, pro dicenda veritate et iustitia observanda requiri deberent et tenentur. Et post haec ipsius attestationis rei, veritatis et requisitionis seriem comprobationis praemissae attestationis et possessionum eorundem eidem Domino Emerico Palatino, per ipsas partes in litteris dicti Capituli Agriensis ad octavam diem dictarum octavarum sibi voluisset reportari, quo quidem octavo die octavarum festi Beati Georgii Martyris dum discussio praemissorum inter praedictas partes iuxta continentiam litterarum praedicti D. Emerici Palatini, fieri debuisset ipso Domino Comite Palatino decesso, ipsoque honore Palatinatus per regiam clementiam nobis dato, secundum seriem litterarum nostrarum prorogatio15