Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 5. (Budae, 1834.)

XXXIY. An. Ch. 1376. Idem Ludouicus litteras suas de tributo Strigon. decretorias nouo sub sigillo transumit. Nos Ludouicus, Dei gratia, Rex Hung. Polon. Dalmat. etc. Significamus tenore presentium ; quibus expedit vniuersis, quod discretus vir Magister Ioannes A. Diaconus Comarom et Canonicus Strigon. Ecclesiae in decretis licentiatus, in sua et honorabilis Capituli dictae Ecclesiae Strigon. personis, nostrum Regium adiens conspectum exhibuit nobis quasdam litteras nostras patentes, maiori et priori sigillo nostro in partibus Uzurae a Cancellario nostro casualiter deperdito, in facto cuiusdam tributi emanatas tenoris sequentis ; supplicans, nominibus quibus supra, nostro culmini Ilegio prece subiectiua, vt easdem nostris litteris patentibus transcribi, et transumi facientes, sigilli nostri noui, ei authenlici impressione pro dicto Capitulo Strigonien. de benignitate Regia dignaremur confirmare: quarum tenor talis est: Nos Ludouicus ( v. ad an. 1557.) Nos siquidem praemissis supplicationibus praefati loannis Archidiaconi in personis, quibus supra, nostrae Celsitudini porrectis, tamque iustis, et honestis, ac iuri consonis, Regio inclinati cum fauore, praeattactas litteras nostras, omni prorsus suspicione destitutas, presentibus de verbo ad verbum transcribi, transumi faciendo, appositione dicti nostri noui sigilli, prae iam dicto Capitulo Strigon. duximus confirmandas, presentium sub nostrae Maiestatis Testimonio litterarum. Datum Budae, feria quinta proxime ante Dominicam Ramis Palmarum. Anno Domini M. CCC. LXXYI." E transumto priuilegiali A. 1381. emanato. V. infra.