Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 3. (Budae, 1834.)

custodia in vno ovili, extra quod non esl sakrs, se gaudeant salubriter gubernari. O quantus timor et tremor veniet supra corda saeuissima ferocium Ethnicorum, quando post reconciliationem praedictam dicto Rege, aliisque fidelibus in tuum adiutorium assurgentibus videbunt resurgere conculcatam iam per eos Graecorum potentiam, et exstinctam peneGloriam celebrius renouari! Profecto sperandum est, quod iidem. liostes ante tuam et dicti regis atliletae Cliristi fortissimi facies non subsistantj sed aut inspirant^ Deo, conuertentur ad fidem , aut iusto Dei subuertentur iudicio, vt cedant locum cultoribus Trinitatis. O quantum denique praemium animae tuae compai-abis in coelis, si de talento tibi credito tantam , tamque gratam reddes altissimo rationem, vt in extremo iudicio reperiaris lucrifactor tuae, et aliarum innumerabilium aniinarnm! sicque dupplici , imo omnimoda fclicitate laeteris, vt in terris gloriose imperes, regnaturus demum cum bealissimis spiritibus in excelsis. Haec tibi nota plenissime ideo apostolicae charitatis diligentia tuo intellectui sub compendio repraesentat, vt certius noscas tanto gratiorem nobis esse reconciliationem huiusmodi, quanto plura bona spiritualia, et temporalia ex ea coniecturis verisimilibus prospicimus euentura, et vt imperialisSerenitas ad consummationem tam sancti negotii eo animetur ardentius, quod ad ipsam per Christi vicarium se nouerit animari, eo reuerentius suscipiatis inslructiones, monita et mandata salubria, quo vliliora in conspeclu omnium luculentius apparebunt. Ecceigitur, quod corde firmiter credimus, et quod ore simpliciter confilemur, quodque per sanctam sedem apostolicam