Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 3. (Budae, 1834.)

recipiantur pro hominibus fidei medii fertonis In approbatione prenotata, et eodem modo Olahus communis suam actionem probare possit contra Nobilem, quem pubiice apprehenderet in aliquo huiusmodi maleficiorum. Deinde volumus, quod Nobiles dictae terrae et eorum Iobbagyones in ciuitatibus vel villis liberis non detineantur pro furto vel latrocinio, aut alio criminali facto, si non fuerint in aliquo ipsorum factorum ibidem manifeste apprehensi. Nec in ipsis Ciuitatibus vel villis, aliquis Nobilis de prouincia proscribatur. Praeterea volumus, quod patiens vioientiam seu potentiam se non vindicet per consimiies violentiae vel potentiae perpetraciones , sed contra suum in hac parte aduersarium legitime procedat; alioquin poenam duppli huiusmodi perpetrationis contra partem aduersam incurrat, et aduersus Wayuodam nostrum Transyluanum in facto potentiae succumbat. Praeterea statuimus, quod nullus Iobbagionum nostrorum aut Nobilium vel aliorum quorumcunque in ipsa terra Iobbagyones habentium, alibi in rebus vel persona arestetur, vel impignoretur aut iudicetur, nisi per suum Dominum vel officialem: qui quidem Domini vel officiales, si querulantibus satisfacere non curauerint, possint et debeant coram Wajuoda, vel vices eius gerentibus iuridice conueniri per querulantes- Facientes autem contra premissa, poenam actus potentiae incurrant. Castellani etiam et officiales, tam nostri regales, et Wayuodales, quam aliorum quorumlibet hominum, possessiones in dicta terra nostra habentium, de dampnis, vel super excessibus, quos in quascunque personas committerent, possint in eorum officialibus ad