Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 3. (Budae, 1834.)

cuius tenorem hic inseruimus, et est talis: Innocentius Episcopus, Seruus Seruorum Dei, ad futuram rei memoriam. Tenorem quarumdam litterarum felicis recordationis Benedicti Papae XI. Praedecessoris nostri, in registro ipsius Praedecessoris repertam, de verbo ad verbum transcribiet ad dilectarum in Christo filiarum, Abbatissae, et conuentus monasterii Sanctae Mariae de veteri Buda , ordinis Sanctae Ciarae Vesprimiensis Dioecesis , asserentium , prout pro parte ipsorum accepimus, se dictis litteris indigere, supplicationis instantiam praesentibus annotari fecimus, qui talis est: Benedictus Episcopus ( vide an. 1355.) Ceterum, vt earumdem lilterarum tenor praedictus sic insertus, omnimodam rei, seu facti certitudinem faciat, apostolica authoritate decreuimus, vt illud idem robur, eamque vim, eundemque vigorem dictus tenor per omnia habeat, quem haberent originales litterae supra dictae, et eadem prorsus eidem tenori fides adhibeatur, quandocunque et vbicunque siue iu iudicio^ vel alibi, vbi fuerit exhibitus, vel ostensus,et eidem stetur firmiter in omnibus, sicut eisdem originalibus litteris staretur, si forent evhibitae, vel ostensae. Nulli ergo omniuo hominum liceat hanc paginam nostrae constitutionis infringere vel ei ausu temerario contraire. Si quis autem hoc altentare praesumserit, indignationem omnipotentis Dei, et Beatorum Petri et Pauli Apostolorurn eius se nouerit incursurum. Datum Auinionis octauo kalendas Martii, Pontificatus nostri anno septimo. Hunc igitur tenorem non rasum non cancellatum , nec in aliqua sui parte vitiatum ; sed vera bulla bullatum pro cauleia hic inseruimus, nostro sigillo muniendo.