Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 2. (Budae, 1833.)

sibi ipsis intolerabile prorsus est, in obedientia et fidelitate vestra solita perseuerare velitis, et siquid in contrariura acturn est, debite reformare, nostramque gratiam repetere, quam paratam et promtam, remissa qualibet iniuria, vobis offerimus, cum firmo proposito vos habendi carissimos et recommendatos, sicut vnquam habuimus, et veslram conseruationem et bonum cordialiter, ac totis viribus procurandi, ac personas, et bona nostra pro vobis, sicut bonus pater facit pro filiis, liberaliter exponere, super quibus gratam vestram responsionem exspectamus. Data in nostro ducali palatio die XV. Iulii X. indictionis." Apud Luc. L. IV. cap. XVII. p. 275. CCCXXI. An. Ch. 1357. loannes Cliuz Banus Sclauoniae , libertates ac priuilegia Sibinicensiuin regio nomine confirmat. Nos Ioannes, totius Croatiae et Dalmatiae Banus, memoriae commendantes, tenore praesentium significamus, quibus etpedit, vniuersis: quod cum uniuersi Nobiles, ciues et communitas Ciuitatis Sibinicensis per nobilem virum Bodolanum Crassuueracich, ciuern eiusdem ciuitatis, ambasciatorem, et nuncium ipsorum specialem, habita conuersione ad Dominum regem, et eius sacram coronam, libertates siue gratias, donationes et consuetudines inferius declarandas, a nobis instantissime sibi dari postulassent; nos itaque iustis et condignis petitionibus eorumdem annuentes, in persona dicli Domini nostri regis, infrascriptas libertates, iura, gratias, donationes et consuetudines eisdem ciuibus, et communitati supra dictae