Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 4. (Budae, 1832.)

terram seu possessionem Poukafeulde vocatam, in Comitatu Posonien. in districtu Challokoz existentem, asserens eam condam Clementis, fily Poka conditionarii Castri nostri Posoniensis , liominis videlicet haeredum solatyo destituti et decessi fuisse, et ex eo nostrae collationi pertinentem, a nobis sibi dari et conferri perpetuo postulasset. Nosque, quia de qualitale et quantitate ipsius terrae, seu possessionis Pokafeulde, et vtrum ad nostram collationem pertineat, nec ne? nobis verilas non constabat, fidelibus nostris Capitulo Ecclesiae Posoniensis, vt ipsi suum mitterent hominem idoneum pro testimonio , quo praesente Jensel, lilius Iacobi

? et Ioannes de Gutur, altero absente, homo noster accederet ad faciem praenominatae possessionis , vicinisque et commetaneis eiusdem legitime conuocatis et praesentibus reambularet ipsam per veteres metas et antiquas, et si inueniret eam, vt praemittitur, ad nostram collationem pertinentem , statueret ipsam j)raefato Magistro Thomae perpetuo possidendam, si non fuerit contradictum, contradictoribus, si qui fuerint contra eundem Magistrum Thomam , ad nostram praesentiam, ad terminum compelentem, legitime euocatis, literis nostris mediantibus, scribentes dedissemus in mandatis. Tandem iidem Capituium Ecclesiae Posoniensis fideies nostri, nobis rescripserunt in haec verba: Excellentissimo Principi, Domino Carolo , illustri regi Hungariae , Domino suo f Capitulum Ecclesiae Posoniensis, orationes in Domino debitas et deuotas. Recepimus debita, qua decuit, ctiin reuerentia litteras vestrae Maiestatis, hunc tenorein continentes: Carolus, Dci gratia, rex Hungariae, fidelibus suis, 51 *