Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 4. (Budae, 1832.)

tiae exercitus regii ad festum Beati Martini Confessoris proxime praeteritum proclamatae, scilicet ad sextum terminum prorogata extitisset ; ipso termino occurrente, quia praedictus Albertus cum procuratoriis litteris Conuentus de Jaszow pro eodem Aegidio ad nostram accedendo praesentiam ex parte dictorum Nobilium de Trochan ante litis ingressum more consueto de iudiciis dictarum quatuor marcarum eidem Aegidio satisfieri , et ipsa satisfactione impensa, de aclione principali eidem congruam satisfactionem dari postularat, idemque Theodorus pro se personaliter, et pro aliis dictis Nobilibus de Trochan cum procuratoriis litteris Capituli de Scepus consurgens, se, et dictos alios Nobiles de Trochan praedicta iudicia cum prompta pecunia non posse soluere asserens, de possessione, seu terra ipsorum vacua Seradyna vocata, in Comitatu de Sarus habita, perpetuali statutione pro ipsis quatuor marcis in portionem eiusdem Aegidy cedentibus, eidem satisfacturos obligarat eo modo: quod si de ipsa possessione absque omni contradictione perpetuali statutione , praesentibus homine Domini regis, et testimonio Capituli Agriensis satisfacere de ipsis quatuor marcis non possent, vel non curarent, extunc praedicta iudicia quatuor marcarum in termino infrascripto, cum grauamine duppli ante litis ingressum soluere tenerentur; qui cum in octauis Epiphaniae Domini nunc praeteritis acceptis liomine regio et testimonio dicti Capituli Agriensis, iuxta nostram petitionem illic per ipsum Capitulum transmisso, ad faciem ipsius Possessionis Seradyna accessissent, et idem homo regius praesentibus vicinis et commetaneis eiusdem, pro dictis quatuor