Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 1. (Budae, 1832.)

ciuitalis, quibus per multa curricula temporum vsum fui-t Yenetiarum dominium, nulla vnquam per reges Hungariae requisitio, inquietatio, vel molestia facta fuit Venetiarum communi. Immo per Illustrissimum Dominum Belam, serenissimum regem Hungariae, fuit recognitum , quod dominium dictae ciuitatis, ac possessio ad Venetiarum pertineant commune; prout baec et alia patent exemplo conuentionum initarum inter ipsum Dominum regem, per se et suos successores, et dominum Ducem, et commune Venetiarum, quae mandaueramus ostendi per nobilem virum, Nicolaum Grimani, fideiem nostrum, regiae Maiestati. Ea praedicta ergo notificatione verum constare potest perspicue celsitudini regiae, qualis fuit ipsorum Iadrensium perfidia. Et ad boc, vt maiorem de ipsorum malitia notitiam habeatis, regiae Maiestati aliqua de his, quae contra nostrum attentarunt dominium, breuiter praesentibusreferemus. Nam, vt est toti mundo notorium, eorum status sub nostro felici et suaui dominio mirabiliter auctus erat. Nam de manu nostra suscipiebant omnium bonorum abundantiam , et plenitudinem gratiarum; sed ipsi tantorum bonorum ingrati, ac eo ipso, quo magis augmentum status procurabamus eorum, magis temere praesumentes, ciuitatem ipsam contra nostrum dominium , imo contra se ipsos potius rebellarunt. Sed speramus in Domino, quod nisi ad nostram gratiam, et mandata redierint, eorum perfidiam, et superbiam virium nostrarum potentia, diuino directa subsidio, in hac nostra tam iusta causa, prout semel demerita exigunl, conteremus. Serenitatem igitur regiam rogamus ,attente

r quatenus e praedictis veritate concepta negotii, di~