Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 2. (Budae, 1832.)

tur; et qui culpabiles inuenti fuerint, per priores prouinciales, et visitatores gravius puniantur. 9) Item, quod priores conuentuales constitutionem de silentio tenendo , et de poenitentia pro fractione silentii, et de ieiuniis ordinis, diligentius faciant obseruari. 10) Item, quod fratres dyscoli et indicisplinati ad conuentus novos et paruos non mittantur, et missi per priores prouinciales reuocentur, et ponantur, in quibus melius poterunt sub disciplina teneri. 11) Item priores prouinciales quando assignant fratres periculosos conuentibus, qui ignorant conditionem illorum, statum ipsorum prioribus illorum conuentuum studeant intimare. 12) Item, nullus prior conuentualis apostatam alterius conuentus recipiat, et ad ordinem sine prioris prouincialis, vel eius vicarii licentia speciali. 13) Item, quod continuatio de receptione fratrum conuersorum, secundum quod scripta est , observetur, et ipsi a prioribus in ofliciis occupentur. 14) Item, ordinamus, et iniungimus, quod in quolibet capitulo prouinciali fiat secretum scrutinium de receptione vel absolutione prioris prouinciclis, et sub sigillo definitorum expressis fratrum nominibus, mittatur ad capitulum generale. Idem etiam fiat de prioribus conuentualibus suis, et scrutinium sub sigillo conuentus mittatur ad capitulum prouinciale. 15) Item, volumus et mandamus, quod studentes pecuniam sibi a prouincialibus vel a conuentibus assignatam non expendant, nisi in libris theologicis, nisi de prius prouincialis licentia speciali.