Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 2. (Budae, 1832.)

CCCCXVIII. A. Ch. 1292. Prouincia Cibiniensis Fratribus Cruciferis S. Spiritus quamdam domum, ad se pertinentem , irt hospitale confert. Vniuersis praesentia inspecturis Iudices, Iuratr, ac tota communitas villae Cibiniensis salutem in Saluatore. Quum ea, quae aguntur in tempore, a memoria ne decidant, scripturarum solent indiciis roborari: ad Vniuersorum igitur praesentium postorumque notitiam harum litterarum voiumus serie peruenire: quod nos quamdam domum cum suis attinentiis in Cibinio iacentem, et ad nos pertinentem, iam dudum a nobis pro hospitali habitam, et per nos manu seculari correctam, viris religiosis, vt pote Deo dilectis, fratribus cruciferis de ordineS.Spiritus concessimus, contulimus et donauimus eo iure, quo donum seu collatio dictae domus ad nos dinoscebatur hactenus pertinere; ita videlicet, quod dicti fratres vel ipsis subditi in dicta domo hospitalis diuinum exerceant ofFicium, et missarum celebrent solemnia, et ipsi pauperibus, debilibus, aduenis, et claudis de Eleemosynis sibi a Christi fidelibus largitis, seu Jargiendis, pro posse suo subueniant, ipsos in suis necessitatibus colligendo. Et vt haec nostra donatio, concessio, et collatio robur obtineat firmitatis , praesentes eisdem contulimus litteras sigillo Cibiniensis prouinciae sigillatas, Datum et actum Cybinio. Anno Domini millesimo Ducentisimo nonagesimo secundo, in die JBeati Iohannis Baptistae. " Est lioc vetustissimum tabularii Cibiniensis documentum , exaratum in membrana longa magis, quam lata , litteris maiusculis, elegantibus, lineis laxis, appenso sigillo. Eruit Ios. Car. Ecler. Exerc. Oipl. p 118—9.