Fejér, Georgius: Codex diplomaticus Hungariae ecclesiasticus ac civilis. Tomi V. Vol. 3. (Budae, 1830.)

A. Cli. 1288. Nicoluas PP. /V. Lodomerium A. Episcopum Strigon. ad sacram militiam contra infideles in Hungaria cogendam adhortatur. Nicolaus Episcopus — — Fraternitati tuae per apostolica scripta mandamus; quatenus si dicti Saraceni, Neugeri et pagani damnatos suos conatus contra cathoiicae fidei professores exercere voluerint, ne ipsorum inualescat temeritas in dispendium fidei christianae, contra praedictos Tartaros Saracenos, Neugerios , et paganos alios, adhaerentes eisdem, vel eos in iis quomodolibet confouentes, cuiuscunque status, aut conditionis exstiterint, omnibus Christi fidelibus per regnum Vngarie et per Poloniam, Bohemiam, Austriam , Sti•l iam, Carinthiam , Sclauoniam , Istriam, per te vel per alium seu alios studeas sollicite proponere verbum crucis, et ad illam assumendam et prosequendam Christianum populum de ipsis regno et terris huiusmodi, exhortari. Nos enim omnibus vere poenitentibus et confessis, ex praedictis regno etterris, quae crucis signaculum contra infideles memoratos assumserint, et efficaciter exstiterint prosecuti, iuxta indigentiam huiusmodi negocii, et tuae discretionis, ac dispositionis arbitrium; super quo stricte tuam conscienliam intendimus onerare. illam concedendi indulgentiam tibi concediraus facultatem, quae in terrae sanctae subsidium proficiscentibus concedere sedes apostolica consueuit. Datum Reate. VI. Idus Augusti. Anno I." Apud Raynald. ad A. 1288. nro XXV. E lib. I. epis. 106. Nicolaus IV. coronatus fuit 25. Februarii A. 1288. decessit A. 1292. die IV. Aprilis. Eodern Raynaldo teste excitauit idem JSicoIaus alios Archiepiscopos, Episcopos, Abbates, Sacerdotes quoque Hungariae; ne Strigoniensi Archiepiscopo in fide tuenda deessent : „ Vt idem Ar-