Fejér, Georgius: Codex diplomaticus Hungariae ecclesiasticus ac civilis. Tomi V. Vol. 3. (Budae, 1830.)

mandatis, vt mitterent hominem suum pro testimonio fide dignum, coram quibus Bogomerius Comes, homo noster, accederet super faciein terrae nostrae ante dictae, et si eamdem nostrae collationi inuenerint pertinentem , conuocatis omnibus commetaneis reambularet eandem et statueret dicto Seraphino, si non fieret contradictum; contradictoribus, si qui fierent, ad nostram praesentiam euocatis. Qui quidem Comes Nicolaus, et Praepositus et Conuentus de Thurocz nobis rescripserunt: Excellentissimo Domino suo, Ladislao, Dei gratia, illustri regi Hungariae, Nicolaus Comes de Zolom, et Iwanka Praepositus et Conuentus de Thurocz, inclinationem cum perpetua fidelitate et orationes in Domino. Receptis litteris Serenitatis Yestrae, in quibus praecepistis nobis — — misimus homines nostros pro testimonio fide dignos, ad reambulandam terram Chermona vocatam, et statuendam Comiti Seraphino antedicto ; vnde nos mandatis obtemperantes, vt tenemur, in hac parte ; qui quidem homines nostri post haec vna cum eodem homine Vestro Comite Bogomerio iam dicto, ad nos reuersi, vna voce concorditer retulerunt, quod saepe dictus Comes Bogomerius conuocatis omnibus commetaneis et vicinis , et specialiter adstantibus ipsis praesentibus accessisset super faciem terrae Chermona vocatae, et eandem per metas veras et antiquas reambulando cum omnibus vtilitatibus et pertinentiis suis statuisset Comiti Seraphino memorato, perpetuo possidendam , nullo penitus contradictore existente. Nos itaque considerantes et intuentes obsequia meritoria, et merita obsequiosa, quae nobis idem C. Seraphinus a primaeuis suae aetatis temporibus, coram oculis noslrae