Fejér, Georgius: Codex diplomaticus Hungariae ecclesiasticus ac civilis. Tomi V. Vol. 1. (Budae, 1829.)

tanti regis fortunam deuotionis intuitu externe regionis euentibus et easibus committendo, prefatus Laurentius Banus nostro semper adhaerens lateri, solatio et consilio inter viarum discrimina graciosum nobis exhibuit famulatum. Ad hec quum ad habendum tractatum , et colloquium cum Rege Boemie apud Posonium conuenissemus communiter et vicissim , ac ex condicto; malo tamen , et excogitato ingenio Capitalis hostis nostri Regis Boemie, in quadam insula cum certo et paucissimo numero personarum debuissemus cum ipso rege Boemie inuicem nos videre, quamuis fraudis astutia victus portaret in animo, suo more, precogitata, tamen fraude et insidiis, ac versuciis dicti regis, licet personam regiam , in qua salus pendet, et integritas subiectorum, non expediret ancipiti fortune casui immiscere, fortitudine tamen animi galeati dictam adiuimus insulam cum Rege Boemie prenotato, ipso Laurentio Bano nobis inter reliquos asseclas et fideles constanter, et fideliter adsistente ; vbi eum laudabilem agnouimus rermn experientia comprobante. In expeditione etiam nostra , quam contra Austrenses mouimus propter versuciam , et iniustitiam regis Boemie comprimendam ; qui nobis multipliciter fidem fregit, infideles nostros in suum dominium admittendo, et thesaurum resrni nostri ausu temerario contrectan• " do, dictum Banum solertem , prouidum , et bellicis sudoribus expositum inuenimus , et circa omnia nostra exequenda mandata promptissimum et attentum pro fidelitate corone debita, et conseruacione patrie sue , post tergum omnia relinquendo , ac continue in nostro exercitu contra presentiam regis Boemie laudabiliter concertando ,