Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

igitur retribues Domino pro tautis, quae tuae tribuit iuuentuti? Profecto, si paternis aurem inclines affatibus; si pia patri de tua salute sollicito, et eius salutaribus monitis aquiescas; regnum tuum ab ipso, per quem datur regnare principibus, recognoscens, ad eum, a quo bona cuncta procedunt, omnia tibi collata beneficia referes, illi iuuentutis tuae primitias offeres; ad ipsum fortitudinem tuam custodies; et residua vitae tuae tempora , in continuatione salutaris propositi, et piorum prosecutione operura deuouebis, fauendo ecclesiis, ipsarum libertates et iura, nec non et ministros Dei, personas ecclesiasticas confouendo. Haec enirn tibi annos vitae producent; haec dierum longitudinem ministrabunt; haec firmabunt procul dubio thronum tuum. His itaque ab annis teneris tuum animum imbue; iis informa; talibus asuesce; vt per consuetudinem mores fiant; nec peruerti possint, amplius conuersa quodammodo in naturam. Ad quod serenitatem regiam monemus, rogamus et hortamur in Domino ; sano nihilominus consilio suadentes, quatenus et consiliarios et alios familiares tibi assumere studeas, qui te in semitas mandatoriiin domini dirigant, non peruersis suggestionibus a via rectitudinis auertant, nec exemplis detestandis abducant; tuum statum pacificum diligant, tuos subditos foueant, et sua lucra in alienis dispendiis non venentur; qui erga tuam et carissiinae in Christo filiae nostrae, reginae Vngariae, illustris, consortis tuae, carissimi in Christo filii Caroli, regis Siciliae, natae, personas fidelitate ac deuotione debita polleant, sincero affectu ferueant, et consilii maturitafce clarescant. Decet siquidem te, acillos, qui tuis commodis inhiant, qui tuis pro-