Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

consensu, beneplacito, voluntate, et approbatione vniuersornm Baronum, et nobilium nostrorum, nec non requisito Principum Cumanorum consilio et habito assensu, saluo iuramento, et in suo robore perdurante, quod tunc apud Posonium super obseruatione pacis, conuentionis et concordiae, inter Dominum carissimum patrem nostrum et nos habitae praestitimus, et modo vt omnia et singula capitula, quae in litteris, super praefata conuentione, concordia et vnione confectis , et nostro dupplici sigillo roboratis, inseruntur, et continentur, per nos obseruentur, Sacrosanctis Dei Euangeliis, viuifico dominicae crucis ligno, et multorum Sanctorum Dei reliquiis coram positis et tactis, corporaliter iuramus , sine omni coactione necessitate, et cohortatione , sed spontanea et libera voluntate, confitentes, protestantes, vocantes et clamantes, nos contentos, quietos et bene pacatos his , quae carissimus Pater noster, illustris rex Yngariae, nuper in compositione inter ipsum et nos in Posonio habita , in ducatu, terris, castris, villis, reditibus nobis dedit, concessit, et assignauit, quoadusque vixerit ipse carissimus pater noster; promittentes, nihil amplius ab ipso petere , requirere , exigere, sub iure iurando , quod praestitimus et praestamus tactis corporaliter sacro sanctis Euangeliis et viuilico crucis Dominicae ligno; et promittimus, contra ipsius coronam, vel regni sui , vel carissimi fratris nostri, Belae Ducis, ducatus, et iurium vtriusque imminutionem , laesionem , praeiudicium , seu grauamen , nihil cogitare , attemptare, agere, vel aggredi, palam vel occulte; fraude vel ingenio, vel aliqua machinatione; per nos , vel nostros Barones, no-