Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

quum compertae tibi tunc veritatis testimonium refragetur. Et quamuis post obitum eius, apostolica sede vacante , S. R. E. Cardinales tibi consolatoria, vt dicis, promissa transiniserint, quod eadem sedes, postquam ei foret diuinitus de Christiani populi pastore prouisum, ad profligandas de tuis finibus nationes infestas , opportunam sollicitudinem adhiberet: tibi taraen, etiam postquam Deus ecclesiam suam de summo pontifice ordinauit, ex spe data res aliqua non prouenit; quin potius inde addita est afflictis afllictio, et moestitia luctuosis, vnde releuationis consolatio sperabatur. Postulans ergo tibi contra ingruentes eorumdem Tartarorum insultus, nunc saltem ecclesiae consiliis et auxiliis subueniri , expressisti, sicut placuit, quod ipsa in priori discrimine te deseruit et contemsit. Si profecto non diiudicans casus et tempora, censes indignum, quod praedicta sedes tibi tunc pro voto non adfuit, et exinde dignam tibi existimas murmuris prouenisse materiam; pone, quaesumus, ante oculos tuos, et attende propensius, quibus tunc temporis ecclesia versabatur aduersitatum fluctibus, et quibus difficultatum iinplicationibus tenebatur; quoniam iis perpensis, eam, vt credimus, a vinculo improperii huius in iudicio regiae considerationis absolues; et non ei, sed malitiae temporis, et malignitati turbantium pacem eius, quidquid circa subuentionem luam olim omissum quereris, consenties imputandura. Mundus certe vniuersus agnouit, et tu, egregia vniuersitatis eius portio, non potes non censuisse cum mundo, quod ea tempestate , qua Ecclesiasticae subuentionis implorasti suffragium , Fridericus , quondam Tmperator, acerrima in sedem apostoli-