Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

A. Ch. 1259. ldem Alexander Belam B. conditiones foederis a Tartaris, noua eum irruptione terrentibus, oblatas inire vetat. , Alexander Belae Regi Vngariac illustri — — Quum inter alia regna mundi, quae fidei obediunt Christianae, regnum tuum sincera in Deum, et sanctam eius Ecclesiam deuotione claruerit, sicut laudabilium operum testimonia, libro illabilis commendata memoriae, manifestant, quibus vtique progenitorum tuorum et tua tempora, in monimentum seculorum succedentium, decorantur; nescimus, quae ratio cogitationi tuae suadere potuerit, maternum apostolicae sedis affectum, quo in ipsius visceribus specialiter contineris, vnquam in tuis necessitatibus voluntarie tepueris. Praeterea illa pupugit querela cor nostrum, quam litterarum tuarum et porrectarum nobis per dilectum filium M. Paullum, praepositum ecclesiae ( Albensis ) capellanum nostrum, nuncium tuum, virum vtique litteratum, prouidum et prudentem, ex parte tua petitionum praefatio continebat; licet credamus, eam non ex iactura laesi animi , sed ex libertate filialis confidentiae processisse. Habebat namque praefationis continentia memoratae, quod licet olim regno tuo , saeua Tarlarorum rabie lacessito, tu, vt populi tui reliquiae saluae forent, a felic. record. Gregorio Papa, praedecessore nostro, contra eosdem Tartaros per ven. frat. nostrum, scilicet tunc Vaciensem , nunc Praenestinum Episcopum, auxilium postularis ; idem praedecessor , quasi tuae ac patrum tuorum clarae deuotionis oblitus, stragi popftli tui etiam verbo compati noluit, ne dum facto; quod credibile tibi videri non debuit de patre pleno visceribus pietatis ; maxime