Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

nominis christiani, praedictas mille marchas nunc et in posterum ministrare, ac de suhtractis plenarie satisfacere, pro nostra et apostolicae sedis reuerentia non moretur. — — Si vero Celsitudo regia praemissa, quod non concedimus, omiserit adimplere, quia eisdem magistro et fratribus, non debemus, nec possumus in suo iure deesse , maxime quum superiorem non habeant, coram quo iidem super his iustitiam persequantur, ipsum peremtorie citamus, vt infra tres menses, praemissos alios tres immediate sequentes, per procuratorem idoneum apostolico se conspectui repraesentet, facturus et recepturus super praemissis, quod ordo dictauerit rationis. Quo circa fraternitati tuae per apostolica scripta sub poena excommunicationis, quam ipso facto te incurrere volumus, si mandatum nostrum in hac parte adimpletum non fueris executus, firmiter praecipiendo mandamus, quatetenus eidem Regi ex parte nostra easdem litteras repraesentans, ipsum ad perficiendum et complendum, quae in eisdem continentur litteris, monere ac eflicaciter inducere non postponas; nobis, quid super hoc tu et nominatus rex feceritis , per litteras tuas, harum et ipsarum litterarum, eidem regi directarum, seriem continentes, infra sex menses post receptionem praesentium , fideliter relaturus. Non obstante, si tibi ab apostolica sede indultum existat, quod excommunicari — — Datum Anagniae VII. kal. Iulii, anno V." Ex MSS. Battyanianis Katona Tom. Vf. p. 285. sqq.