Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

exercendi habeat potestatem. Hoc percepto praedictus Abbas Zaladiensis quosdam suos Sacerdotes, Capellanos et Plebanos sub decimatione et obedientia sua constitutos, scilicet Piebanos villarum E ulicz, Komar, Karos, Kolon, Galambok, Rodna,Zabar,Rokolyan, Pacha, Yggricz, et Rayk, eodem die ibidem exisistentes in praesentiam nostri praesentauit, et satuit obuiantes; quos cum in praesentiam Abbatum et Clericorum ad conscientiam ipsorum Deo habitam, de eo vtrum sub obedientia praescripti Domini Zlandy Episcopi Wesprimiensis, aut ipsius Blasy Abbatis, siue aliorum Praedecessorum suorum exstiterint, et adhuc existant, requisitis: huiusmodi praescripti sacerdotes Ecclesiarum praedictarum tam in suis, quam etiam vniuersorum sociorum suorum sub obedientia praefati Domini Abbatis vbilibet existentium, Ecclesiarumque Rectorum personis, ad conscientiam Deo debitam, sub obedientia et disciplina praenotati Abbatis Zaladiensis et suae Ecclesiae semper et antiquo ex donatione et collatione sanctissimorum Regum, et nunquam Episcopi Weszprimiensis se mansisse et stetisse, aflirmarunt. Ac ipse Abbas ipsius Ecclesiae Zaladiensis singulis annis in die siue termino ipsis deputato, Capitulum siue congregationem generalem ipsis celebrasset, nec non Diuini sermonis praedicatione ad spiritualia informasset instituta. Ipse vero Episcopus Weszprimiensis ipsos ac ceteros consocios ipsorum in multis non legitime molestare non desineret et aggrauare; vnde nos praedictorum Sacerdotum responsis auditis et querelis , cum ctiam idem Abbas, et conuentus in spiritualibus et temporalibus ad nos refugium habeat speciale , ac