Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

sub nostra existat legitima protectione, iustitiamque a nobis expeterent sibi administrari, visis tamen et perlectis litteris priuilegialibus SS. Regum Stephani etLadislai super donationepraescriptarum decimarum Ecclesiae Zaladiensis, nec non obedientia praedictorum Sacerdotum confectis, volumus et firmiter sub virtute s. obedientiae vobis Ecclesiarum Rectoribus de villis Komar, Karos, Kolon, Galambok, Rada , Rokoljan, Yggryecz, Rayk, et aliis vniuersis sub decimatione praedictae Ecclesiae Zaladiensis existentibus , tam praesentibus quam futuris, praecipimus per praesentes, quatenus praedicto Abbati et aliis successoribus suis debitam et condignam obedientiam et reuerentiam tamquam personae nostrae, prout iusto Praelato Yestro , in singulis , quibus decet, sicut ad haec tempora fecistis, impendere studeatis; ac decimas suas, dictoque monasterio suo et sibi ab antiquo , quemadmodum in praescriptis litteris ipsius priuilegialibus vidimus, prouenire debentes populos siue homines, tam Nobiles quam ignobiles, in Parochiis Yestris habitos, et contentos extradare facere, plene etintegre procuretis. Episcopus vero Weszprimiensis molestandi et aggrauandi omnino nullam in vobis habeat et super vos potestatem. Si vero secus facere intenderitis in praemissis, per censuram ecclesiasticam, iuris tramite obsernato, contra vos, et quoslibet detentores decimarum praescriptarum procedemus. Haec vero praemissa vbilibet solenniter et pure in Ecclesiis Yestris diebus Dominicis volumus per vos proclamari. Datum tertia die congregationis nostrae annotatae anno gratiae MCCLII." E MSS. Heuenesianis Tom. B. alias R. p. 231-2, Originale in Caraera R. H. A-.