Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

A, Ch. 1252. Idetn Innocentius Stephanum, prius A. Episcopum Strigoniensem, iarn Praenestinum Episcopum et Cardinalem, eiusdem Episcopatus Administratorem constituit. Jnnocentius — Wesprimiensi ac Vaciensi Episcopis — Dudum erga personam Venerabilis fratris nostri — Episcopi Praenestini, tunc Archiepiscopi Strigoniensis, multorum meritorum tituJis decoratam Apostolicae considerationis oculos dirigentes, fralrum nostrorum communicato consilio, digne prouidimus, vt ipsum tamquam stellam nobilem et insignem in Jirmamento generalis ecclesiae radiantem in romana Ecclesia poneremus ; cuius splendore multipliciter illustrata , clarius eniteret, et nos suo nobis assistente suffragio, incumbentia nostris humeris onera possimus leuius supportare. Hinc est, quod nos nolentes, vtStrigoniensis Ecclesia , cui hactenus idem Episcopus vtiliter praefuit, eam spiritualiter et temporaliter per suam industriam non modicum augmentando , pro tanto, ac tali pastore sibi subtracto, diutius ingemiscat; sed potius sub suo regimine de bono in melius, dante incrementum Domino, salubriter dirigatur; curam et administrationem ipsius in spiritualibus et temporalibus, ei auctoritate Apostolica duximus plenarie committendam; dantes nihilominus dilectis fdiis, Capitulo , et officialibus Clericis et laicis eiusdem ecclesiae nostris litteris in mandatis, vt eidem Episcopo in praemissis plene, ac humiliter intendentes, exhibeant ei obedientiam, et reuerentiam debitam et deuotam ; eius salubria monita et mandata suscipiendo deuote ac irrefragabiliter obseruando. Quo circa Fraternitati Vestrae per Apostolica scripta in virtute obedientiae