Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

A. Ch. 123f>. Gregoriits PP. IX. querelas Abbatia S. Benedicti de Gran contra A. Episcopum Strigoniensem, ob spolia commissa, ad se deductas , per coiudices deputatos inquiri , ac componi iubet. Gregorius, Seruus Seruorum Dei, A^enerabili Fratri Chanadiensi Episcopo, et dilectis filiis, Bellifontis Abbati, Cisterciensis Ordinis, Coloceusis Diaecesis , Bachiensis Ecclesiae Praeposito , salutem et Apostolicam benedictionem. Cum Venerabilem Fratrem nostrum , Tusculanum Episcopum, Yenerabili Fratri nostro Strigoniensi Archiepiscopo, et Iacobo Sindico dilectorum filiorum Abbatis ct conuentus Monasterii S. Benedicti de Grana, Strigoniensis Dioecesis, apud sedem Aopstolicam constitutis, in causa, quae inter eos vertitur, dederimus auditorem; coram eo Sindicus proposuit antedictus: Quod, cum quondam bonae memoriae Praedecessor ipsius Archiepiscopi Monasterium ipsum quibusdam villis et pertinentiis, ac iuribus eorumdem, in quorum possessione, vel quasi Monasterium extiterat, spoliauerit, vel mandauerit spoliari, iam antedictus Archiepiscopus, ea cum quadam ecota, ipse de nouo spoliauil, vel spoliari mandauit monasterium supra dictum , vel spoliationem inde factam ratam habuit, delinet et contradicit restituere. Ad quae, cum perceptis inde fructibus se idem Sindicus nomine Monasterii restitui postulauit; Magister vero Albens. eiusdem Archiepiscopi Procurator, eumdem, reconueiiiens Syndicum, ab auditore petebat eodein, Abbatem ipsum ab administratione praedicti monasterii penitus amoueri: tanquarn qui nec postulatus, nec electus Canonice, nec ab ipso Archiepiscopo, auL de mandato suo confirmatus, scu institutus fue-