Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

pradictus, castrum nostrum Kemluk nomine, suae commissum custodiae, tam contra Tartaros , quam contra quosdam alios, qui de Sclauonia in infidelitatem versi , ipsum multipliciter impugnabant, seruauit fideliter et prudenter: in cuius itaque conseruatione Slauoniae dominium nobis fuit instauratum. Porro remeantibus nobis de maritimis, dum contra Ducem Austriae exercitum mouissemus, ac circa Sopronium, quod idem Dux occupauerat, castra metati fuissemus, intendentes ad ipsius castri recuperationem, nostris illud bellatoribus circumcinxissemus hinc et inde, vbi Balistariis castro egredientibus, ad nostrorum laesionem, per occultas insidias saepedictus Detricus, arrepta lancea, irruens in eosdem, in castrum ipsos redire compulit, grauia duo vulnera, in iactu balistae recipiens per eosdem, per quae manus mortis vix effugit. Quanta insuper fidelitatis insignia, quanta probitatis opera supradicti Philippus et Detricus Comites exhibere semper studuerunt , nequeunt enumerari. Nos igitur, quibus ex officio regiae dignitatis incumbit metiri merita singulorum, et singulis pro meritis respondere cupientes, grata eisdem remuneratione occurrere, possessiones quasdam, quarum nomina subscribentur, quae Bors Comite, filio Dominici Bani, absque successore legitimo decedente, ad manus Begis, secundum approbatam regni nostri consuetudinem, fuerunt deuolutae , nec non quamdam possessionem, Berzethe nomine, cum suis attinentiis, quae ad nos specialiter pertinebant, eo expresso: quod, quidquid auri intra terminos Berzethe ad ducentas marcas argenti, vel infra in aestimatione subsistat, ipsi percipiant pacifice et quiete ; quidquid Tom. IV, Vol. I. 19