Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

praesertim ne veritas oceultetur , aut iniquitas praeualeat aequitati. Eapropter ad notitiam vniuersorum volumus peruenire, quod accedentes ad nostram praesentiam hospites nostri de Zamobor, prope castrum Osckich existens, humiliter a nobis flagitarunt et instanter , vt modum et statum libertatis eorum de gratia et prouidentia piae memoriae regis Colomani , carissimi quondam fratris nostri, iuxta tenorem libertatis hospitum de Petrina, liberaliter concessae, nostrarum auctoritate litterarum dignaremur confirmare. Nos itaque , considerata eorum vtilitate, precibus Ipsorum fauorabiliter annuentes, sub libertate iam facta ipsos duximus perpetuo statuendos. Cuius seriem in priuilegio memorati fratris nostri taliter vidimus contineri: vt scilicet ipsos nullus Iudicum nostroruin, praeter maiorem villae eorum, quem voluntarie elegerint , audeat iudicare ; et, si ab ipsorum iudice conquerentibus satisfieri non poterit , iudex eorum in nostra praesentia , et non alias, super ipsa causa citatus, debeat et teneatur respondere ; et si ipsi alias coram iudice, quem impeterent super aliquo, eius iudicetur iuramentum. Statuimus item, quod , si banus eis ad valorem vnius margae damnum faceret , in centuplo eisdem restitueret. Tandem Bano 11011 aliud nisi domos suas occasione descensus dare teneantur; pro aliis vero necessariis pretium recipiant. Et si aliquis ipsorum prole caruerit, tam ipso viuente, quam a seculo transmigrante, bona sua , cuicunque voluerit, libere conferat retinenda. Et si aliquis de villa super equo vel boue calumniatur, et ab aliquo pro quanto sacramenlum facere praesumserit; is calumnias, testibus adstantibus, resti-