Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

si iidem hospites in districtu Hungariae, Dalmatiae, Croatiae, Sclauoniae spoliati per latrones vel alios malefactores fuerint, Dominus terrae, in qua spoliati fuerint , aestimata pecuniae quantitate , iuxta arbitrium bonorum virorum et sacramentum conciuium, ad hoc electorum, vel ablata refundat, vel malefactorem ostendere teneatur. Item tributa, infra regales terminos, in nullo loco soluere teneantur. Item quiscunque ciuis alium ciuem vituperiis, opprobriis, aut contumeliis affecerit , si inde conuictus fuerit, laeso decem pensas, in communes expensas centum denarios soluat; quod si post trinam correctionem se non emendauerit, rebus omnibus in commune applicatis, tanquam infamis de ciuitate turpiter expellatur. Si quis etiam alapam alteri dederit, vel per crines malitiose traxerit, eandem poenam patiatur. Si quis vero culteilo, gladio, lancea, aut sagitta, aut aliquo tali modo alium vulnerauerit, vulneratusque sine defectu membrorum resanatus fuerit, medico laesi satisfaciat, et laeso viginti quinque pensas, quinque vero ad vsus ciuitatis persoluat; si vero in aliquo membrorum debilitatus fuerit, medico laesi satisfaciat, et laeso decem marcas, et ad vsus ciuitatis decem pensas soluere teneatur; si vero mortuus fuerit duae partes rerum suarum cedant Parentibus occisi, tertia pars ciuitati; si vero captus fuerit, secundum consuetudinem de ipso vindicta sumatur; nisi quis in ludo sine praemeditata malitia, aliquem interfecerit: in hoc enim casu centum pensas agnatis interfecti, viginti vero pensas ad communes vsus refundat interfector; cui si facultates non suffecerint, ciuium arbitrio relin- . quatur. Item si quis de extraneis intrans ciuita-/ 17 *