Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

deliberatione prouida fuerint ordinata, firmiter obseruaturi, et reddituri Domino, in euius eonspeetu omnia nuda sunt et aperta, in extremo die dislricti examinis rationem ; si omnem sollicitudinem et diligentiam , quae circa correctionem et reformationem ordinis ac visitationem coenobiorum adhibenda fuerint, neglexerint adhibere. Vt autem , quae statuta fuerint, magis teneantur memoriter , et seruentur; volumus et mandamus, vt huiusmodi capitulum in singulis regnis, siue prouinciis, annis singulis celebretur; concessa iis, qui ad praesidendum annis futuris capitulis celebrandis fuerint ordinati, conuocandi Abbates et Priores praedictos , et cogendi rebelles, appellatione postposita, simili potestate. Adiicientes, vt si visitatores, qui fuerint in eodem ordinati capitulo , aliquos exemptos inuenerint deponendos , id apostolicae sedi non differant nunciare; in ceteris iuxta formam saepe dicti concilii processuri ; si forte conuertatur Dominus et ignoscat , et relinquens post se benedictionem , gloriam Libani det deserto, et Carmeli decorem. Quo circa Fraternitati Vestrae per Apostolica scripta praecipiendo mandamus, quatenus monasteriorum vestrorum rectores, quos Visitatores praedicti vobis a suis locis denunciauerunt remouendos , singuli Vestrum in sua Dioecesi sublato cuiuslibet contradictionis et appellationis obstaculo, non differant amouere; alioquin poteritis non irnmerito formidare, quod minus iurisdictionis vobis relinquetur in eis, quam habuistis hactenus, et habetis. Datum Laterani , Idus Februarii, Pontificatus nostri anno nono. " Orig. in Arcli. A. Capit. Strigon. MSS. Heu. Tom. T. nro LXVII. p. 401. sq. Transumt. a Capit. Nitrien. A. 1527.