Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

chim , quod non sine amaritudine mentis referimus , ex constitutione praedicta , in memorato concilio habita, parum adhuc , aut nihil vtilitatis prouenit;eo quod Abbates, etPriores, Ablxitesproprios non habentes, neglexerunt ad huiusmodi capitulum venire, ac hi , qui considere debebant eisdem, cogendi rebelles non sunt visi aliquam (habere) potestatem; et sic vsque modo in stercore suo computruere iumenta, et Moab in suis fecibus requieuit. Licet igitur videatur desperabilis plaga eius, scientes tamen, quod non est abbreuiata manus Domini , vt saluare non possit, et excoquere scoriam eius ad puruni; nec non auferre omne stagnum illius , ac restituere Iudices eius , vt prius fuerunt, et consiliarios sicut antiquitus, compatiendo ex intimo cordis super contritione loseph , adhuc curationi eius duximus insistendum; Dilectis filiis — — de Warad, et — de Wulch Abbatibus, Quinqae-Ecclesiensis et Chanadiensis Dioeceseos , nostris dantes litteris in mandatis , vt apud M.onasterium de Moducha, Colocensis Dioecesis , hoc anno conuocantes Capitulum, Abbates, et Priores , non habentes Abbates, Priores tam exemptos , quam non exemptos , Strigon. et Coloc. prouinciarum , qui non consueuerunt huiusmodi celebrare Capitulum, venire ad illud, dummodo non sint impedimento canonieo impediti, monitione praemissa, per censuram Ecclesiasticam, sublato cuiuslibet contradictionis et ap~ pellationis impedimento, compellant; et aduocatis charitatiue duobus Cistercien. ordinis vicinis Abbatibus, procedant in celebratione capituli, Deum Iiabentes prae oculis, iuxta constitutionem concilii memorati , eadem censura secuturi, quae in eo