Fejér, Georgius: Codex diplomaticus Hungariae ecclesiasticus ac civilis. Tomi III. Vol. 1. (Budae, 1829.)

pro Quinqueecclesiensi Episcopo venerant , proponebant, partem suam iuxta mandatum apostolicum processisse, nec obstare discordiam, vel contradictionem eoruin , qui iuxta formam mandati nostri procedere contempnentes , illo recepto, nec elegerunt quempiam canonice, nec concorditer postularunt, vnde concors debebat eorum postulatio reputari; quum ceteri, tanquam iussionis apostolicae contemptores, eligendi et postulandi se iure priuassent, dum nec postulare, nec eligere voluerunt, immo nec etiam ad capitulum conuenire. Ad hec autem ex aduerso poterat responderi, quod illi, qui Colocensem Archiepiscopum postularant, formam sequuti fuerant per nostras litteras sibi datam; quoniam innitentes postulationi priori , iuxta tenorem priorum litterarum nostrarum, concordem fecerant, quae fuerat prius discors, dum suffraganeos ad concordiam reuocarant; nec nocebat eorum discordia , qui alium postularant, quum prius in postulatione Archiepiscopi supra dicti conuenissetis pariter vniuersi, et consensum vestrum , annotatum litteris et subscriptionibus propriis roboratum , petissetis a nobis per communes nuncios confirmari ; nosque vestram recepissemus postulationem diiudicandam , si suffraganei forsan in contradictione persisterent, vel si consentirent, aut cederent, adprobandam. Si enim postquam postulatio subscriptionibus postulantium roboratur , et presentatur Romano Pontifici approbanda, possent ab ea recedere postulantes, nobis frequenter illuderent, et iudicium nostrum ex eorum pendere arbitrio videretur. Poterat quoque addi, quod pars altera mandatum apostolicum non seruarat, vtpote, que nec postulationem concordem, nec electionem canonicam celebrarat; quum,