Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

suis in altum euehit, sed et singularis comitas, in litteratos propensio, ac munificentia vniuersae poene Europae regionibus annunciant , ac commendant; vt nemini mirum videri possit, si mea quoque studia Illustrissimo nomini tuo vectigalia fecere ; si opus praesens non aliis, atque Tuis aris, incendi suspirat. — Non potest animus meus magis ad hilaritatem prouocari, quam Tui praesul Excellentissime memoria, quam temporis illius recordatione, cum me sapientissimo colloquio dignatus,conatus meos in illustranda Historia patria, atque Sclauorum (cuius gentis eximium decus es) praeter meritum meum probasti, atque ad prosequendum stimulos adiecisti; cum haud inscius tenuium fortunarum instituti mei, animoque pensans non mediocres sumtus opusculis meis excudendis, necessarios; Te ipsum vltro adiutorem Patronumque obtulisti, ac subinde largum prelo subsidium ex Hungaria transmisisti. A quo quidem tempore cum mea studia beneuolentiae liberalitatique Tuae