Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

rem; si forte impedires eumdem, profecto diuinam indignationem incurreres, et nostram merereris olfensam; illumque tibi redderes ampiius inimicum, nihilque proficeres; quia nos modo alio possemus nostrae voluntatis propositum adimplere. Attende nihilominus diligenter, quale denique reputares, si nos impedire vellemus, ne filius tuus carnalis coronari posset in Regem? Ettale nosreputare cognosce, si tu impedire coneris, ne filius noster spiritualis in Regem valeat coronari; filius, inquam, prodigus, qui olim cum meretricibus viuendo luxuriose, substantiam dissipauit; sed tandem in se ipsum reuersus, ad patrem reuertitur , qui occurrens, amplectitur et osculatur filium reuertentem, praecipiens seruis suis, vt eum induant stola prima, et dent annulum in manu eius, et calceamenta in pedibus eius, occidantque vitulum signatuin, vt manducent et epulentur; quia filius eius mortuus fuerat, et reuixit; perierat et inuentus est. " Qualiter autem indignationem sedauerit Pater filii senioris, parabola te doceat euangelica, cuius doctrinam te cupimus et in hoc, et in aliis imitari. Quod si forsan verearis, ne, postquam coronam acceperit, insolentior fiat subito sublimatus: scire te decet pro certo, quod non tantum ex procurata fraude proficeret, quantum deficeret ex fide mentita, nosque minus dicimus tibi, vt tu intelligas per te magis. Ad quintum vero capitulum respondemus, quoniam etsi scripseris, quod de his-, qui sedis apostolicae sententiam eonteinnentes , tibi, sub securitate contra fraudem inimicorum nihil prouidenti, Iaderam destruxerunt, elapso iam ferebiennio, nihil adhuc iustitiae super tam irrrecuperahi-