Fejér, Georgius: Codex diplomaticus Hungariae ecclesiasticus ac civilis. Tomi X. Vol. 5. (Budae, 1842.)

rei instantia exigebat, accurato et frequenti tractatu praehabito; interea contingit, nos intellexisse, quomodo sanctissimus Dominus noster, Dominus Joannes Papa XXIIL venerabile concilium indixisset. Summo itaque studio curauimus, ne quid negligentiae posset in hoc nobis apud Deum et homines imputari. Et ob hanc rem per literas et nuncios institimus apud eundem, Dominum. nostrum Papam pro edicatione generalis concilii, loco habili et congruo tempore deputandis. Qui votis nostris annuens misit ad nos reuerendissimos in Christo Patres, Dominos ad titulum sanctae Caeciliae Presbiterum et Franciscum tituli Sanctorum Cosmae et Damiani Diaconum, Sanctae Romanae Ecclesiae Cardinales, Apostolicae Sedis legatos, et nobilem Manuelem Chrysoloram tradita eisdem in praedictis plena potestate. Ipsis vero ad Nos peruenientibus post multa nobiscum habita super his consilia, tandem nos cum eisdem pro loco Concilii elegimus ciuitatem Constantiensem, prouinciae Moguntiensis. Quem locum nos eisdem nominauimus tanquam idoneum, tutum, et communem omnibus nationibus ad concilium venturis. Et in quo, Deo fauente, curabimus personaliter interesse et omni modo, posse, secundum officium nostrum imperiale, tueri omnes cuiuscunque status ad concilium venturos in plena libertate: ita quod omni tempore postposito potuerint ad concilium venire, ibi stare, et recedere, pro sua voluntate. Et insuper nos cum praedictis Legatis et nunciis ad initiandum praefatum Concilium assignauimus tempus vnius arini, incipiendo a die prima Mensis Nouembris nunc instantis. Expedit quippe, vt vniuersi et singuli solicitudine non pigri, feruente spiritu Domino seruientes, in vinea Domini Sabaoth, in qua