Fejér, Georgius: Codex diplomaticus Hungariae ecclesiasticus ac civilis. Tomi X. Vol. 3. (Budae, 1838.)

quo fecerint, sed nec scirent, vbi apud quem et in quo loco sint, sicque in totali actione et acquisitione Nicolai, filii Antonii de Thankhaza et Ladislai, fiiii Clementis de eadem, nec non Georgii, filii Andreae de Belvatha actorum, innocentes sint penitus et immunes." Ex archivo fam, Salamon. — Praecedentia etiam diplomata non in archivo Salamon , sed in Simonyiano sunt requirenda. Ll. Anno 1556. Nos Ferdinandus divina favente clementia romanorum, Hungariae, Bohemiae rex, semper augustus, Infans Hispaniarum, Archidux Austriae, Dux Burgundiae etc. fideli nostro magnifico Sekell de Kovend, libero domino in Ormosd et Praefecto nostro in Kaproncza moderno, futurisque pro tempore constituendis salutem et gratiam. Expositum est Maiestati Nostrae in personis fidelium nostrorum circumspectorum civium et incolarum oppidi nostri Kaproncza. Quomodo tu terras tam cultas, quam incultas et prata hospitalis Kapronczensis, ac Sacelli B. Mariae Yirginis in eodem oppido fundatorum in sustentationem pauperum et rectoris altaris eiusdem sacelli destinatas pro te, et ad castellum nostrum Kaproncza in praeiudicium ipsorum civium occupasses atque tolli fecisses^ fructumque earundem iam ab aliquot annis percepisses, et nunc quoque perciperes, paratum tamen te offerres, ut ad commissionem nostram in ipso negotio sicut et in aliis id ageres, quod tibi faciendum committeremus, cum et oppidum et castellum ipsum cum omnibus pertinentiis ad nos directe pertineat. Quare cum iustum sit terras arabiles et prata, caeteraque ad praefatum hospi-