Fejér, Georgius: Codex diplomaticus Hungariae ecclesiasticus ac civilis. Tomus. I. (Budae, 1829.)

muneribus fungi; sed tamen omnibus in singulis paroeciis et ecclesiis, qui sunt ab honoratissimo viro et collega nostro Alexandro ordinati , sint omnimo inferiores. Quin etiam nulla potestas eis sit vel designandi quos velint, vel omnino quidquam faciendi absque consensu Episcoporum catholicae et apostolicae ecclesiae; qui sub Alexandro sunt sanctissimo collega nostro. Hi autem, qui Dei gratia, et vestris precibus adiuti, ad nullum schisma deflexisse comperti sunt, et se intra catholicam et apostolicam ecclesiam impollutos continuerunt, ius habeant et ordinandi, et eos, qui digni clero fuerint, nominandi; denique et omnia ex lege, ac instituto ecclesiastico libere exequendi. Quod si quis forte eorum, qui Ecclesiae funguntur muneribus , diem suum obierit, tum vnus ex illis, qui nuper in Ecclesiam adsciti sunt, modo idoneus videatur, et populus illum eligat, episcopusque Alexandriae ei suflfragetur et consentiat, in locum succedat demortui. Atque sit istud aliis quidem omnibus concessum. De Meletio autem nominajtim aliter statutum est : vt videlicet, cum propter petulantiam, quam antea ostendit, tum propter temeritatem et proteruiam mentis, nulla potestas, autoritasue ei tribuatur ; quippe cum liomo is sit, qui possit denuo ecclesiae statum et ordinem perturbare. Haec sunt, quae ad Aegyptum et sanctissimam Ecclesiam Alexandrinam proprie et separatim pertinent. Si quid praeterea vel canonibus vel decretis constitututum est, honoratissimus Dominus frater et collega noster Alexander ad vos reuersus certius perferet, vt qui actorum omnium auctor fuerit et particeps. Laetum etiam nuncium vobis afTerimus,