Fejér, Georgius: Codex diplomaticus Hungariae ecclesiasticus ac civilis. Tomus. I. (Budae, 1829.)

Ex Euseb. Pamph. Hist. Eccles. L. X. c. 5. Acta huius Svnodi Romanae exstant apud Optat. in lib. 1. Epistolam Anulini ad Constantinum datam conseruauit S. Augustinus epist. 68.; postquam idem Anulinus edictum Constantini Augusti de immunitate Clericorum accepisset; quod est sequens. A. Ch„ 313. Exemphim epistolae alterius eiusdem Constantini , qua cunclis Clericis ciuilem immunitatem confert. Aue Anuline carissime nobis. Cum ex multis rebus constet, religionem illam, in qua summa diuinae Maiestatis reuerentia custoditur , spretam quidem maxima Reipublicae importasse discrimina; eandem vero rite •usceptam, ac custoditam, et nomini Romano maximam prosperitatem, et cunctis mortalium rebus, diuina id tribuente beneficentia, praecipuam felieitatem contulisse; placuit, vt homines illi, qui cum debita sanctimonia, et assidua huius legis obseruantia, ministerium suum diuinae religionis cultui exhibent, laborum suorum mercedem reportent, Anuline carissime nobis. Quo circa eos homines, qui intra prouinciam tibi creditam in Ecclesia C-atholica, cui Caecilianus praeest, huic sanctissimae religioni ministrant, quos Clericos vocare consueuimus , ab omnibus omnino publicis functionibus immunes volumus conseruari: ne errore aliquo, aut casu sacrilego a cultu summae diuinitati debito abstrahantur; sed vt potius absque vlla inquietudine propriae legi deseruiant. Quippe his, summam venerationem diuinoNumini exhibentibus, maximum inde emolumentum Reip. videtur accedere. Vale Anuline carissime , ac desideratissiine nobis.