Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
nobilium Gregorius dictus Rado in sua, ac Andreae similiter Rado et Michaelis Kernen, necnon Johannis Kabos nominibus et personis nostram et dictorum regnicolarum exurgendo praesentiam voce quaerulosa significare curavit eo modo, quod quamvis ipse mediante iudicio et iudicatu vestris ac nobilium comprovincialium dicti comitatus de Kolos egregios filios condam Stephani filii condam Bani de Lossoncz ratione et praetextu certarum iniuriarum dampnorumque ac aliorum nocimentorum generum illationibus in certis sumpmis florenorum auri pecorum ac aliarum rerum convicissent et agravassent, dumque alias quadam vice ad satisfactionis super praemissis exhibitionem eisdem fiendae vos vei alterum vicecomitem ac iudicem nobilium ex speciali deputatione et transmissione regnicolarum ad bona ac possessiones dictorum filiorum condam Stephani filii Bani transduxisset, tunc iidem filii Bani familiares et iobagiones ipsorum manibus armatis et potentiariis contra eosdem insurgere facientes, nisi fugae praesidio se defensare valuissent interimere machinati extitissent, vicecomitesqe ac iudices nobilium tunc cum ipsis existentes dire, severe verberassent in ipsorum imo verius nostrum praeiudicium et dampnum satis manifestum. Supplicatum itaque extitit nobis et dictis regnicolis, ut eisdem de remedio providere dignaremur opportuno. Nos igitur nolentes eosdem exponentes in eorum iuribus destitui, nec tales actus nefarios et potentiarios simpliciter pertransire, statuimus et deliberavimus per vos praefatis exponentibus iuxta eorum iustitiam plenam et condignam satisfactionem exhibere. Quam ob rem dilectionibus vestris harum serie firmiter comittimus quatenus acceptis praesentibus ad bona ac possessiones memoratorum filiorum condam Stephani filii Bani accedatis, ibique iuxta contenta literarum obtentionalium eorundem exponentium de et super omnibus per ipsos exponentes iure mediante obtentis ac nostris birsagiis plenam et integram satisfactionem impendere et recipere debeatis et teneamini. Ubi vero vos ad huiusmodi satisfactionis impensionem sufficientes non extiteritis, ex tunc praesentium serie firmiter committimus universis nobilibus ac alterius cuiusvis status possessionatis hominibus dicti comitatus de Colos, ut dum per vos requisiti extiterint, per singula eorum capita in
