Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

IV. 24. modum, quod quamvis serenissimus princeps dominus noster Sigismundus rex ad devotae supplicationis instantiam praefati quondam domini Stephani bani praefatam nobilem dominam Vrsulam in universis possessionibus et iuribus possessionariis paternis ubivis habitis, tamquam verum heredem in legitimum successorem paternum praefecerit et ideo inter ipsam dominam Vrsulam ac dictum Mychaelem litis matéria mota et diutius ventillata fuerit, tamen ipsa domina Vrsula agnoscens praescriptam filialem praefectionem sibi factam contra consuetudinem huius regni laudabilem, in derogamen iuris eorundem Mychaelis et Ladislai, ut id plenius in aliis literis nostris privilegialibus pro parte ipsius Mychaelis confectis clare continetur, procuratam extitisse, per compositionem multorum proborum et nobilium virorum ad talem pacis devenissent unionem, imo devenerunt nostro in conspectu, ut ipsa domina Vrsula ipsam praefectionem filialem veluti inanem cassans, tam ipsa praedicta domina mater sua eosdem Mychaelem et Ladislaum super universis iuribus eorum, ut puta dotalitiis et quartalitiis ipsis de possessionibus et portionibus possessionariis dicti Nicolai filii Laurencii de regni consuetudine proveniere debentibus reddidissent quittos atque satisfactos, imo reddiderunt, inanemque reliquit nostro in conspectu. E converso vero ipse magister Mychael in sua et dicti filii sui personis praefatis nobilibus dominabus occasione huiusmodi indulsionis ac satisfactionis praemissorum, a modo in posterum singulis annis, usque ipse vei altéra earum vita fruerentur mundiali, semper in festő beati Georgii martyris coram capitulo ecclesiae Budensis centum florenos, florenum quemlibet centum denariis novis computando, pure et simpliciter, absque nona et decima partibus solvere assumpsisset, imo assumpsit coram nobis, tali obiigaminis vinculo mediante, quod si primam solutionem termino et loco in praedictis facere recusarent, extunc in duplo eorundem centum florenorum, si vero ipsam primam solutionem facerent et secundam negligerent in solvendo, tunc in mille florenos auri adversus ipsas dominas, per ipsos ante litis ingressum deponendis, convincerentur eo facto. Et insuper eaedem dominae vigore praesentium universas possessiones et portiones possessionarias dicti Nicolai filii Laurentii