Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

rum nostrarum prorogatoriarum in octavis festi beati Georgii martyris in figura nostri iudicii comparendo contra Petrum, Ladislaum, Laurencium et Stephanum filios Jaak de eadem Myhalchfolwa, quasdam literas vestras statutorias, domino nostro regi ad suum literatorium mandatum rescriptas, tenoremque literarum regalium vobis directarum verbaliter in se habentes, asserens actionem et propositionem suam adversus ipsos filios Jaak proponendam literis contineri in eisdem nobis praesentavit, declarantes inter cetera, quod in persona praedictae nobilis dominae regiae dictum extitisset maiestati, quod Petrus, Ladislaus et Laurentius, filii Jaak de Myhalchfolwa, in anno proxime transacto, diebus scilicet quadragesimalibus, quasdam portiones possessionarias praefati quondam Bakó, patris eiusdem dominae, in possessionibus Mihalchfolwa praedicta et Sirukzo vocatis habitas, statim ipso Bakó patre suo mortuo, potentialiter et indebite occupassent, fructibusque et utilitatibus earundem uterentur universis in praeiudicium ipsius valde magnum, super quo ipse dominus noster rex fidelitati vestrae firmiter praecipiendo mandasset, quatenus vestrum mitteretis hominem, pro testimonio fidedignum, quo praesente homo suus regius infra declarandus ab omnibus, quibus incumberet, meram de praemissis experiretur veritatem, expertaque praemissorum veritate, evocaret praefatös Petrum, Laurencium, Ladislaum et Stephanum filios Jaak, contra annotatam nobilem dominam in suam regiam praesentiam ad terminum competentem, rationem de praemissis reddituros et post haec seriem praemissorum sibi fideliter rescriberetis. Vos enim mandatis ipsius regiae sublimitatis obedire cupientes, ut tenemini, una cum Benedicto de Adrián, regis homine vestrum hominem, videlicet Petrum clericum ad praemissa exsequenda duxissetis transmittendum, qui demum ad vos reversi vobis concorditer retulissent, quod ipsi feria secunda proxima post festum beati Bartholomei apostoli tunc praeteritum ab omnibus, quibus decuisset et licuisset diligenti inquisitione praehabita praemissa, quae annotatos filios Jaak omnino modo praenotato facta fuisse rescivissent, scitaque huiusmodi veritate eosdem Petrum, Ladislaum, Laurencium et Stephanum, filios Jaak, contra praefatam nobilem dominam ad quindenas octavarum festi beati (1393.) V. 1. X. 20.