Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

(1364.) XI. 18. (1366.) I. 13. medelam iustitiae per nos praecabatur elargiri. Quibus perceptis Ladislaus de Galsa et Batow pro eisdem magistris Thoma et Stephano, ambo cum procuratoriis literis regalibus exsurgentes, responderant eo modo, quod iidem magistri Thomas et Stephanus super dicto castro et possessionibus supranominatis literas divisionales quondam inter eosdem dominum Stephanum banum ac magistrum Desew, patres praedictorum magistrorum Dionisii et Ladislai ac eundem quondam magistrum Thomam, patrem iam dictorum magistrorum Thomae et Stephani factas et emanatas ac etiam super facto dicti tributi similiter instrumenta haberent, quas non tunc ad praesens, sed in termino ulteriori, per nos ipsis dando, exhibere prompti essent et parati. Unde nos perceptis praemissis adiudicantes commiseramus eo modo, quod praedicti magistri Thomas et Stephanus praeallegata eorum instrumenta divisionalia ac etiam alia instrumenta eorum super facto ipsius tributi emanata contra praefatos magistros Dionisium et Ladislaum in octavis festi beati Martini confessoris tunc venturis exhibere tenerentur coram nobis, quibus visis iudicium it iustitiam facere valeremus inter partes in praemissis dictante iuris aequitate. Cumque ipsa instrumentális exhibitio ab eisdem octavis festi beati Martini confessoris quibusdam prorogationum cautelis intervenientibus ad praesentes octavas festi Epiphaniarum domini prorogative devenisset, tandem ipsis octavis festi Epiphaniarum domini occurrentibus praedicto magistro Dionisio pro se personaliter et pro eodem magistro Ladislao filio Deseu, Stephano dicto Chupur cum procuratoriis literis capituli ecclesiae Budensis coram nobis astantibus et praemissa instrumenta per eosdem magistros Thomam et Stephanum filios Thomae exhibere assumpta, exhiberi postulantibus, Lucasius filius Benedicti cum procuratoriis literis conventus monasterii beatae virginis de Clusmunustra pro eodem magistro Thoma et Ladislao de Boly cum procuratoriis literis domini Nicolai Kont palatini pro praedicto magistro Stephano ad nostram accedentes praesentiam, pro ipsis exhibere assumptis instrumentis quasdam literas privilegiales capituli ecclesiae Albensis Transsilvanae in festő beati Mathaei apostoli