Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

CXXI. 1347 május 11. Buda. Lajos király az egri káptalannak meghagyja, hogy Régeni Dénes fia Tamás Zsurk, Szentmárton és Bezdéd nevű szabolcsmegyei birtokain határjárást tartasson. Lodouicus dei gratia rex Hungáriáé fidelibus suis capitulo ecclesiae Agriensis salutem et gratiam. Dicit nobis magister Thomas filius Dyonisii de Regun, quod quaedam possessiones suae, Surk, Zenthmarton et Byzded vocatae, in comitatu de Zabouch existentes, apud manus suas habitae, reambulatione et ab aliorum possessionibus metali separatione plurimum indigerent. Super quo fidelitati vestrae firmiter praecipimus per praesentes, quatenus vestrum mittatis hominem pro testimonio fidedignum, quo praesente Luchasius filius Gabriani vei Nicolaus filius Cosmae aut Leukus filius Jakou, aliis absentibus homo noster, ad facies dictarum possessionum accedendo, vicinis et commetaneis earundem legitime convocatis et praesentibus, reambulet ipsas per veras suas metas et antiquas, novas iuxta veteres, ubi necesse fuerit erigendo, reambulatamque et ab aliorum possessionibus distinctas et separatas relinquat easdem eidem magistro Thomae filio Dyonisii eo iure, quo ad ipsum pertinere dinoscuntur perpetuo possidendas, si non fuerit contradictum ; contradictores vero, si qui fuerint, citet eosdem contra ipsum ad nostram praesentiam ad terminum competentem et post haec seriem totius facti, cum cursibus metarum et nominibus contradictorum ac termino assignato nobis fideliter rescribatis. Dátum Budae, secundo die festi ascensionis domini, anno eiusdem M°ccc°xl-mo septimo. Az egri káptalannak Lajos királyhoz intézett, 1347. június 6-ikán kelt jelentéséből. (Lásd a CXXVI. szám alatt.) 1347. V. 11.