Wenzel Gusztáv: Árpádkori új okmánytár. Codex diplomaticus Arpadianus continuatus. VI. 890–1235. (Pest, 1867.)

auctoritate Apostolica inhibemus ne ullus Episcopus uel quelibet alia persona ad sinodos uel conuentus forenses uos ire, uel iudicio seculari de propria substantia uel possessionibus uestris subiacere compellat, nec ad domos uestras causa ordines celebrandi, causas tractandi, uel conuentus aliquos publicos conuocandi uenire presumat, nec regularcni electionem Abbatis uestri impediat, aut de instituendo uel remouendo eo, qui pro tempore fuerit, contra statuta Cisterciensis ordinis se aliquatenus intromittat. Si uero Episcopus, in cuius parochia domus uestra fundata est, cum humilitate ac deuotione, qua conuenit, requisitus substitutum Abbatem benedicere, et alia, que ad officium Episcopale pertinent, uobis conferre renuerit, licitum sit eidem Abbati, si tamen sacerdos fuerit, proprios nouitios benedicere, et alia, que ad ofiicium suum pertinent, exereere, et uobis omnia ab alio Episcopo pereipere, que a uestro fuerint indebite denegata. Illud adiicientes, ut in recipiendis professionibus, que a benedictis uel a benedicendis Abbatibus exhibentur, ea sint Episcopi forma et expressione eontenti, que ab origine ordinis noscitur instituta; ut scilicet Abbates ipsi saluo ordine suo profiteri debeant, et contra statuta ordinis nullám professionem facere compcllantur. Pro consecrationibus uero altarium uel ecclesiarum, siue pro oleo sancto, uel quolibet alio ecclesiastico sacramento, nullus a uobis sub obtentu consuetudinis uel alio modo quicquam audeat extorquerc, sed hec omnia gratis uobis Episcopus diocesanus impendat. Alioquin liceat uobis, quemcunque malueritis Catholicum adire Antistitem gratiam et communionem Apostolice Sedis habentem, qui nostra fretus auctoritate uobis, quod postulatur, impendat. Quodsi sedes diocesani Episcopi forte uacauerit, interim omnia ecclesiastica sacramenta a uicinis Episcopis accipere libere et absque contradictione possitis, sic tamen, ut ex hoc imposterum propriis Episcopis nullum preiudicium generetur. Quia uero interdum propriorum Episcoporum copiani non habetis, si quem Episcopum Románé Sedis, ut diximus, communionem habentem, et de quo plenam notitiam habeatis, per uos transire contigerit, ab eo benedictioncs uasorum et uestium, consecrationes altarium, ordinationes monaehorum auctoritate Sedis Apostolice accipere ualeatis. Porro si Episcopi uel alii Ecclesiarum rectores in