Wenzel Gusztáv: Árpádkori új okmánytár. Codex diplomaticus Arpadianus continuatus. II. 1234–1260. (Pest, 1861.)

99. IV. Incze pápának, a veszprémi püspök, és káptalan s a pannonhalmi apátság közti peres ügyre vonatkozó, rendelete. 1244. Innocentius Episcopus servus servorum Dei venerabilibus fratribus . . . Arcbicpiscopo Strigoniensi et . . . Episcopo Nitriensi, et dilecto filio . . . Abbati de Pelis Ordinis Cisterciensium Vesprimiensis Diocesis salutem et Apostolicam benedictionem. Ex parte dilectorum filiorum Abbatis et Conventus Monasterii de Pannónia Ordinis Sancti Benedicti nobis extitit intimatum, quod cum ipsi contra venerabilem fratrem nostrum Episcopum et Capitulum Vesprimiense super Ecclesiam Sancti Saluatoris de Tordh Vesprimiensis Diocesis ad eorum monasterium pertinente ad certos iudices Apostolicas litteras impetrassent, quorum nomina monacbus eiusdem monasterii, quem ijdem Abbas et Conventus pro suis negoíiis ad Sedem Apostolicam destinarunt, se ignorare dieebat, cum litteris, in quibus nomina continebantur eorum, et aliis rebus suis fuerit veniendo ad Sedem Apostolicam, sicut asserit, spoliatus; et cum diutius coram eis in causa fuisset litterarum ipsarum auctoritate processum, quia dieti iudices fuerunt a Tartaris interfecti, causa ipsa non potuit fine debito terminari. Quocirca discretioni vestre per Apostolica scripta mandamus, quatenus, si est ita, in causa ipsa dictorum iudicum legitimo servato processu, ratione previa procedatis iuxta priorum contineutiam litterarum. Quodsi non omnes bis exequendis poteritis interesse, duo vestrum ea nihilominus exequantur. Dátum Lugduui XIII. kalendas Januarii Pontificatus nostri anno secundo. (Eredetie a szent-mártoni főapátság levéltárában.)