Wenzel Gusztáv: Árpádkori új okmánytár. Codex diplomaticus Arpadianus continuatus. I. 1001-1235. (Pest, 1860.)

56. III. Incze pápa Cletus egri püspök alapítványát, mellyel a háromkuti vagyis bélkői (de Beel trium fontium) apátságnak bizonyos tizedeket adományozott, megerősíti. 1208. Innocentius Episcopus servus servorum Dei, dilectis filiis Abbati et Conventui Trium Fontium Cisterciensis Ordinis Agriensis Dioecesis salutem et Apostolicam benedictionem. Cum a nobis petitur quod justum est et honestum, tam vigor aequitatis quam ordo exigit rationis, ut id per solicitudinem officii nostri ad debitum perducamus effectum. Cum igitur bonae memoriae Cletus Episcopus Agriensis, sicut accepimus, vestrae sacrae religionis obtentu, cujus observantia ad honorem Divini Numinis laudabiliter desudans decimas quorundam praediorum, terrarum et vinearum ejusdem monasterii existentium in Diaecesi Agriensi, quae quinquagesimam partém decimarum ad ipsum spectantium non excedunt, pro sustentatioue vestra de assensu Capituli sui monasterio vestro liberalitate pia et provida in perpetuum duxerit concedendas, prout in ipsius litteris confectis exinde plenius dicitur contineri; nos vestris precibus inclinati, quod per eundem super boc pie et provide factum est, autoritate Apostolica confirmamus et praesentis scripti patrocinio communimus. Nulli ergo omnino bominum liceat hanc paginam nostrae confirmationis infringere vei ei ausu tenierario contraire. Siquis autem hoc attentare praesumpserit, indignationeni Omnipotentis Dei et Beatorum Petri et Pauli Apostolorum ejus se noverit incursurum. Dátum Perusii IV. Idus Januarii Pontificatus nostri anno decimo. (Kaprinay kézirati gyűjteményéből 4°. B. IV. köt. 351. 1.).