Unitárius Kollégium, Kolozsvár, 1888
e> Horatius öt ódájának iskolai magyarázata. Liber I. 1. (1—36 v.) Maecenas atavis edite regibus, 0 et praesidium et dulce decus meum! Sunt quos curriculo pnlverem Olympicum Collegisse iuvat, metaque fervidis Evitata rotis palmaque nobilis Terrarum dominos evehit ad Deos. Hunc si mobilium túrba Quiritium Certat tergeminis tollere honoribus. Illum si proprio condidit horreo, Quidquid de Lybicis verritur areis. Gaudentem patrios lindere sarculo Agros Attalicis conditionibus Nunquam demoveas, ut trabe Cypriä Myrtoum pavidus nauta secet mare. Luctantem Icariis Huctibus Africum Mercator metuens otium et oppidi Laudat rura sui; mox reficit ratas Quassas indocilis pauperiem pati. Est, qui nec veteris pocula Massici Nec partém solido demere de die Spernit, nunc viridi membra sub arbuto Stratus, nunc ad aquae lene caput sacrae. Multos castra iuvant et lituo tubae Permixtus sonitus bellaque matribus Detestata. Manet sub Jove frigido Venator tenerae coniugis immemor: Seu visa est catulis cerva fidelibus, Seu rupit teretes Marsus aper plagas. í*
