Unitárius Kollégium, Kolozsvár, 1888
10 Este, ut viro vir latius ordinet Arbusta sulcis, hic generosior Descendat in campum petitor, Moribus hic meliorque famá Contendat; illi túrba clientium Sit maior: aequä lege Necessitas Sortitur insignes et imos; Omne capax movet urna nomen. Destrictus ensis cui super im pia Cervice pendet, non Siculae dapes Dulcem eleborabunt saporem, Non avium citharaeque cantus Somnum reducent, — somnus agrestium Lenis virorum non humilos domos Fastidit umbrosamque ripam, — Non Zephyris agitata Tempe. Desiderantem quod satis est, neque Tumultuosum sollicitat mare, Nec saevus Arcturi cadentis Impetus aut orientis Hoedi, Non verberatae grandine vineae Fundusque mendax, arbore nunc aquas Culpante, nunc torrentia agros Sidera, nunc hiemes iniquas. Contracta pisces aequora sentiunt Iactis in altum molibus: huc frequens Caementa demittit redemptor Cum famulis dominusque terrae Fastidiosus; sed timor et minae Scandunt eodem, quo dominus, neque Decedit aeratá triremi, Post equitem sedet atra cura. Quod si dolentem nec Phrygius lapis Nec purpurarum sidere clarior Delinit usus, nec Falerna Vitis Achaemeniumque costum, Cur invidendis postibus et novo Sublime ritu moliar átrium? Cur valle permutem Sabina Divitias operosiores ?
